Дополнителни 400 транспортни дозволи
Дополнителни 400 транспортни дозволи за годинава се обезбедени за македонските превозници за Украина, објави Министерството за транспорт и врски. Покрај овие, годинава за Украина се обезбедени 1.600 дозволи. Обезбеден е и дополнителен контингент со 50 универзални транспортни дозволи и дозволи за превоз во и од трети земји, 300 универзални транспортни дозволи за возила со ЕУРО 3 и за првпат, надвор од редовната квота 50 универза��ни транспортни дозволи за возила со ЕУРО 5. "Со обезбедените дополнителни квоти се надминува евентуалниот недостаток на дозволите од соодветен тип со што се овозможува надминување на евентуалниот недостиг на дозволи и непречен превоз на стока од Република Македонија во Украина", велат од Министерството за транспорт и врски. (Ек.Р.) |
