Признанија од „Св. Кирил и Методиј“ за Мукаетов и Давчев

Во рамките на одбележувањето на 24 Мај - патронатот и 61 година од формирањето на најстариот универзитет во земјава, ректорот на Универзитетот „Св. Кирил и Методиј“, проф. д-р Велимир Стојковски, им врачи плакети на Универзитетот за 2010 година за значајни остварувања поврзани со високообразовната, научноистражувачката и културната дејност, како и за афирмација на Универзитетот во земјава и странство, на генералниот директор и претседател на Управниот одбор на „Алкалоид“ АД - Скопје, Живко Мукаетов, и на Стојан Давчев, прв човек на ДООЕЛ „Дасто“ од Скопје. Плакетите беа врачени на пригодната свеченост на Универзитетот. (Д.Р.)