Web Special
Работилница за е-демократијата и е-комуникацијата
„Практичните ефекти на е-демократијата и е-комуникацијата“ е насловот на работилницата што се одржа завчера во Скопје по повод почетокот со работа на WEB.DEP (Western Balkan democracy process) - интернет форум што го реализираат националните новински агенции на Македонија, Албанија и Србија -Македонската информативна агенција - МИА, АТА и Танјуг, а негова основна цел е да се зголеми влијанието на граѓаните, невладините организации и науката врз носителите на политичките одлуки.
На работилницата што ја организираше МИА, покрај партнерите од WEB.DEP гости од Албанија, Грција и Србија, учествуваа и претставници на Владата, медиумите и организации кои професионално или како ентузијасти ја создаваат македонската електронска комуникација и атмосфера, за да се запознаат со проектот кој треба да израсне во уште еден демократски простор за комуникација и интеракција меѓу власта и граѓаните. (МИА) |
