Доделени наградите „Феникс“

Гитаристот Јулијан Мицевски и виолинистот Александар Димитриев, кој претходно има добиено награди и за пијано, гитара, но и за математички достигнувања, ја добија наградата „Феникс“ што Општина Центар ја доделува за постигнувања од областа на музиката, додека на каратистот Игор Таневски и на младата тенисерка Катерина Маринковиќ им беа врачени признанија во областа на спортот. Наградите „Феникс“ традиционално, по деветти пат, ги доделува Општина Центар како знак на признание за особени постигнувања во повеќе области што придонесуваат за поголема афирмација на општината не само во земјата, туку и во странство. (Б.Ш.)