Лондонскиот бизнис-портал „Компани и маркетс“ прогнозира дека до крајот на годината Црна Гора ќе има аранжман со Меѓународниот монетарен фонд, пишува весникот „Дан“.
Порталот проценува дека во догледно време не се очекува значително подобрување на кредитните пазари во Црна Гора и во Србија, бидејќи банките имаат одобрено премногу кредити во минатиот период, така што моментно се спроведува конзервативната кредитна политика.
Имајќи предвид дека еврозоната се' уште се карактеризира со дефлација и ниска стапка на раст, силниот пораст на економиите на Црна Гора,
Србија и Косово е многу нереална опција, пишува порталот. (Мк.фондови)
