Гран-при за Богоја Пусторекански на филмски фестивал во Србија

На годинешниот Меѓународен филмски фестивал на непрофесионален филм, кој се одржа во Омолјица, Србија, на тема „Живот во село - Жисел“, македонскиот автор Богоја Стојкоски Пусторекански ја освои Гран-при наградата. Пусторекански се закити со оваа значајна награда за филмот „Помогни ми да ти помогнам“. Тој е член на Филмскиот сојуз на Македонија и досега е наградуван на повеќе меѓународни филмски фестивали. Минатата година на светскиот фестивал „Уника“, што се одржа во Швајцарија, со неговиот филм „Неуспешен лет“ освои бронзен медал.