ГАЈ РИЧИ
Не ги сака парите на Мадона
Бракот помеѓу поп-кралицата Мадона и нејзиниот сопруг, режисерот Гај Ричи, по седум и пол години, конечно, го добил својот крај, при што следувале бројни расправии и обвинувања на сметка на поранешните сопружници.
Гај, најверојатно, им кажал на своите адвокати дека не сака ниту цент од парите на Мадона, чиј износ неофицијално изнесува 300 милиони фунти, а нејзината портпаролка Лиз Росенберг изјавила дека се надева на мирна разводна спогодба, без да излегуваат и двајцата на суд.
Мадона својата бракоразводна парница ја започнала од пред неколку месеци откако внимателно ги собирала доказите против Гај, сакајќи да го претстави како себичен и лош сопруг.
Меѓу другото, го обвинила и дека е штедлив, па за нејзината кариера не сакал да даде ниту еден цент од неговото богатство, проценето на 30 милиони фунти, потоа му приговорила и поради фактот што многу повеќе време му посветувал на пабот отколку на семејството, како и дека секогаш неговата работа ја ставал пред бракот. |
