ЕЈМИ ВАЈНХАУС
Сaтaната ја натерала да се дрогира
Проблематичната пејачка Ејми Вајнхаус повторно, по кратка пауза успеа, да им го предизвика вниманието на медиумите и тоа пак со скандал.
Предизвикана од лутината поради фактот што не и' одат на добро работите со новиот албум, Ејми признала дека самиот ѓавол ја натерал да почне да се дрогира се' поинтензивно. Пејачката, која интензивно работи на снимање на својот трет солистички албум, има сериозни проблеми со инспирацијата, што дополнително и' ја зголемува нервозата. Својата фрустрација успеала да ја искаже и на својата гитара вредна три илјади фунти, која буквално ја искршила на парчиња.
Огорчената Ејми потоа утврдила дека најголем виновник за нејзиниот моментален проблем е самиот ѓавол, кој ја натерал да посегне по дрога и со тоа да започне да се уништува самата.
Овој инцидент, кој се случил во едно музичко студио во западен Лондон, повторно го актуализирал прашањето за менталното здравје на Ејми Вајнхаус. Пејачката во почетокот на овој месец во неколку наврати се заканила дека ќе си го одземе животот со нож, бидејќи премногу и' недостасувал сопругот Блејк Филдер - Цивил, кој е во затвор на издржување на својата казна. |
