ТОШЕ ПРОЕСКИ
Музиката на поп-иконата ќе донесе половина милион евра
Вредноста на музичката оставина на Тоше Проески во наредните десет години се проценува приближува на половина милион евра. Во тој износ се пресметани сите негови авторски права како композитор и изведувачки права како пејач на подрачјето на цела бивша Југославија, каде што трагично починатиот македонски пејач навистина беше најголема млада поп-ѕвезда, пишува хрватски „Јутарњи лист“.
Тука се вклучени и дискографските права и заработувачка која ќе ја остварат издавачите на неговите досегашни цедеа и идни компилации, кои во следните две години би требало да се најдат на музичките пазари во регионов и во светот. „Може да биде повеќе или помалку, тешко е сега да се каже, но ако споредиме што постигна Тоше до својата смрт и ако сметаме на многу активната улога на Фондацијата која се грижи за заштита на неговиот лик и дело и која допрва во идните години треба да профункционира, во тој случај, споменатата сума би можела навистина да биде оправдана“, изјави Лилјана Петровиќ, напоменувајќи дека сите музички права на Тоше ги наследува неговото семејство. |
