Двајт Хауард повторно покажа дека ретко која центарска линија може да се носи со него - откако само еден ден пред тоа кошаркарите на Орландо славеа во Филаделфија со тројката на Рашид Волис на четири секунди пред крајот, работата во Вашингтон ја одработеа многу поубедливо. Победа од 105:90 со 26 поени на Хауард, кој имаше и 14 скока и три асистенции. Расположен беше Хедо Туркоглу, кој го заврши мечот со 20 коша, за 12 победа на Орландо сезонава.
Во вториот натпревар Њу Орлеанс ја оствари четвртата победа по ред на гостувањето кај Денвер. До неа дојде во неизвесна завршница. Крис Пол со тројка израмни на 92:92, а потоа Стојаковиќ зголеми на четири разлика (заби тројка, но и доби слободно фрлање поради техничката грешка на Кенион Мартин). „Нагетси“ вратија, но Џејмс Поси на 19 секунди пред крајот постигна тројка и ја потврди победата на Њу Орлеанс.
Резултати Денвер - Њу Орлеанс 101:105 Вашингтон - Орландо 90:105
