ЛИЧНОСТ НА ДЕНОТ
Алекс Фергусон
Единствената причина зошто одредени луѓе, сигурно се во мал број, не му аплаудираат на Александер Чепмен Фергусон е тоталната заслепеност од омразата спрема Манчестер јунајтед. Друго, дефинитивно не постои.
Најпознатиот Шкот, кој никогаш ги нема заборавено своите корени и социјалистички вредности што ги научи во Клајд, една од своите најголеми победи ја оствари над својата сопруга Кети, кога против нејзина волја заедно се преселија во Англија за тој да седне на клупата на Јунајтед. Навистина, тоа не му успеа кога како играч го бараше Нотингем форест, но потоа и' врати. Но и Кети, која со Алекс има три сина: Марк и близнаците Дарен и Џејсон, вели дека тоа и' бил најслаткиот пораз.
Во своите 22 години на клупата на Јунајтед, Фергусон се промовираше во прв менаџер кој одвел некој англиски клуб во една сезона до титулите во Премиер-лигата, Ф.А. купот и ЛШ (1999 година) и кој има освоено 10. премиерлигашки титули и пет трофеи во Ф.А. купот. Некогашниот играч на Данфермлајн, кој кога во 1967 година преоминуваше во Ренџерс го собори трансфер-рекорд меѓу два шкотски клуба (65.000 фунти) не може да поднесе импровизација, недисциплина, лигавење, глума, аматеризам, а неговата „челична копачка“ и патентираниот „hairdryer“ (туширање со викање во лице) најдобро го почувствува Дејвид Бекам. (Н.К.) |
