Иванов и Груевски на ифтарска вечера

На ифтарската вечера во хотелот „Александар палас“ организирана по повод муслиманскиот празник Рамазан, присуствуваа претседателот на Исламската верска заедница во Македонија реис ул улема Сулејман ефенди Реџепи, повеќе муфтии и високи претставници на Исламската верска заедница, пратеници и владини функционери. Специјални гости беа претседателот Ѓорге Иванов и премиерот Никола Груевски.

Упатувајќи честитка до поглаварот на ИВЗ, Реџепи, премиерот Груевски им го честиташе празникот на сите верници од муслиманска вероисповед посакувајќи им добро здравје и пријатно празнично расположение.

Во соопштението од секторот за односи со јавноста при Владата, се подвлекува дека Груевски го потенцирал и значењето на религијата во градењето на здрав систем на вредности. Присутните на ифтар-вечерата истакнале дека со уважувањето на потребите на граѓаните и со почитувањето на религиските специфики, Македонија продолжува со унапредувањето на соживотот и развојот и со градењето на демократско општество кое служи за пример на регионот. (П.Р.)