Приштина демантира дека за 12 дена почнува демаркацијата
ТИРАНА - Кабинетот на косовскиот премиер Хашим Таши ги негира информациите објавени во некои медиуми дека за 12 дена ќе почне демаркацијата на границата меѓу Македонија и Косово, пренесува тиранската телевизија Топ-ченел. Според претставник на кабинетот на Тачи, на кого се повикува Топ-ченел, првично било договорено на 9 мај екипите за демаркација да бидат на терен, но владини извори од Скопје изјавиле дека поради предвремените парламентарни избори во земјата бил пролонгиран процесот за обележување на границата со Косово. И претседателот на косовската делегација за демаркација на границата меѓу Косово и Македонија изјавил дека нема определени рокови за ова прашање. Тој вели дека Приштина нема да упатува луѓе на терен за демаркација на границата се' додека не биде сигурна дека се исполнети „сите технички предуслови“, јави Топ-ченел. (МИА)
