Општина Струга се солидаризира со Ахмети
Струга - Општина Струга во знак на протест поради завчерашниот обид за атентат на лидерот на ДУИ, Али Ахмети, вчера не работеше, соопшти локалната самоуправа.
Зградата на Општината во центарот на градот вчера беше затворена, а на влезот беше истакнато соопштение на албански и македонски јазик.
Раководството на Општината, кое е од редовите на ДУИ, и голем број други членови на партијата од Струга вчера отпатуваа за Тетово, каде што учествуваа на митингот на ДУИ против изборното насилство. (Макфакс) |
