Почна обновата на Офицерски дом

БИТОЛА - Зградата на Домот на АРМ, кој битолчани го нарекуваат Офицерски дом, почна да се обновува. Најрепрезентативниот објект на Широк сокак, кој во изминатите децении промени неколку сопственици и на крај се претвори во руина, ќе добие нов покрив и дрвенарија. Најголем дел од парите за реновирање се обезбедени од буџетот на Општината.

„Следен чекор ќе биде замена на електричната инсталација“, најави градоначалникот на Битола, Владимир Талески. Напоредно со санирање на зградата ќе се уредува и просторот околу Офицерскиот дом. Владата во март годинава и' го додели Офицерскиот дом на користење на Општина Битола во наредните 22 години. (А.Б.)