Провален станот на Ѓоковиќ во Монте Карло

Станот на српскиот тенисер, Новак Ѓоковиќ, во Монте Карло беше мета на разбојници. Француските медиуми наведуваат дека се' уште е непознато што однесоа неканетите гости и колкава штета притоа направија.

Првичните претпоставки се дека не е направена голема штета бидејќи Ѓоковиќ не чува вредни предмети и драгоцености во станот освен скапиот мебел. Полицијата работи на утврдување на идентитетот на разбојниците.

Добар дел од годината Ѓоковиќ ја минува во Монте Карло поради учествата на ��ногубројните турнири ширум светот, а луксузниот семеен апартман го купи во 2005 година.

Сензационална елиминациЈа на ВожњаЧки, С. ВилиЈамс предаде

Синсинати. Најдобрата тенисерка во моментот, Каролина Вожњачки од Данска, сензационално загуби од 76. рекет на ВТА ранг листата Кристина МекХејл со 6:4, 7:6 во меч од второто коло на Мастерсот во Синсинати. За водечката во женскиот тенис ова е трет турнир во низа во кој го завршува својот настап уште во раната фаза. Со игрите разочара и во Бастад и во Торонто.

Со турнирот во Синсинати се збогува и поранешната прва дама во светскиот тенис, Американката Серена Вилијамс. За разлика од Вожњачки, таа го предаде дуелот со Саманта Стосур од Австралија поради повреда на палецот на ногата.

Жени, резултати, 2. коло: Петрова (Русија) - Ивановиќ (15., Србија) 6:3, 7:6; Петковиќ (9., Германија) - Арвидсон (Шведска) 6:2, 6:4; Пер (Израел) - Парментие (Франција) 6:2, 6:3; С. Пенг (16., Кина) - Ерани (Италија) 6:2, 6:4; Јанковиќ (13., Србија) - Ж. Женг (Кина) 4:6, 6:3, 6:1; Стосур (10., Австралија) - С. Вилијамс (САД) (Серена Вилијамс го предаде мечот); Хантукова (Словачка) - Пенета (Италија) 6:3, 6:4; Звонарева (2., Русија) - Макарова (Русија) 6:3, 6:0.