УЈП казни 12 објекти во Крушево

Во контролите во делот на фискализација што ги спроведе Управата за јавни приходи во саботата во Крушево, констатирано е дека голем дел од објектите не го регистрираат прометот и не им издаваат фискални сметки на потрошувачите. Даночните контролори констатираа дека 12 објекти (угостители, занаетчии, малопродажба, трговија со текстил...) го кршеле Законот, поради што им се изречени глоби, а во три случаи деловните простории ќе бидат и затворени.

Утврдено е, како што соопшти УЈП, дека едно лице вршело нерегистрирана дејност, на кое ќе му биде доделен даночен број и ќе биде оданочено. Глобите за неиздавање фискални сметки изнесуваат 1.500 евра во денарска противвредност, а привремената забрана за вршење дејност е во траење од 30 дена. (МИА)