Скопско пиво за галичките младенци
„Пивара Скопје“ им подари на младенците од годинешната Галичка свадба, Верица Митричка и Љупчо Раваноски, специјално точено „скопско“ во уникатно пакување со етикети на кои се напишани нивните имиња и датумот кога стапиле во брак во Галичник.
„Традицијата е длабоко вградена во нашата долгогодишна компаниска историја. Таа е дел од нас, како што сме ние дел од неа. Се вели дека нема свадба или друга прослава без ’скопско‘. Ако е така, тогаш сосема природно е што сме и остануваме да бидеме дел од најпознатата свадба во Македонија и пошироко“, потенцираше Маја Муратовска-Чанговска, претставничка од „Пивара Скопје“. Покрај финансиската поддршка за организацијата, „Пивара Скопје“ АД обезбедува и пијалаци за учесниците во оваа уникатна манифестација. (Ек.Р.) |
