Тетовец ранет од заскитани куршуми

Во вторникот, во 14,10 часот, во СВР - Тетово од Клиничкиот центар телефонски било пријавено дека кај нив било донесено лице повредено од огнено оружје. На самото место било утврдено дека станува збор за лицето Б.М.(53) од тетовската населба Дреновец, кој како итен случај бил пренесен во Ургентниот центар во Скопје.

Од разговор со сосед на пријавениот било утврдено дека истиот ден, околу 13,30 часот додека со своето возило се движел по улицата „155“, го видел Б.М. како седи на клупа крај патот. Тој застанал и тогаш забележал дека од десниот колк на Б.М. му тече крв. Тогаш пристигнале и неговата сопруга и синот, а потоа со возило го пренеле до Клиничкиот центар.

Од преземените мерки било дознато и тоа дека претходно се слушнале четири истрели од огнено оружје испукани од непознат правец. (Г.Е.)