Пронајден труп на маж што бил исчезнат

Безживотното тело на 76-годишен прилепчанец, кој од 31 декември се водеше како исчезнат, завчера попладне е пронајдено во атарот на прилепското село Мажучиште. Трупот бил во распаѓање и речиси измрзнат, а му недостасувала и една нога. Телото било пронајдено во близина на железничката пруга, но поради ужасната состојба во која било телото, лекарот што бил на увид не можел да го утврди времето кога настапила смртта. Дури подоцна било утврдено дека станува збор за Стеван Костоски од Прилеп. Сега покојниот на 31 декември го напуштил домот и заминал во непознат правец. Неговото непојавување го пријавило семејство во полиција. (Х.Р.)