Том Круз

Ќерката планира да му побегне

Најстарата ќерка на Том Круз и Никол Кидман едвај го чека 18. роденден, зашто планира да побегне од татка си, со кого живее под строги правила.

„Изабела не може да го дочека моментот кога ќе ги напушти татка си и маќеата Кејти Холмс, кај кои таа и брат и' Конор живеат под стаклено ѕвоно. Сестрата на Том, Кас, ги подучувала во куќата, а нивните дружења и излегувања со пријателите се строго контролирани“, изјавил извор запознат со состојбата на нештата.

Посвоената ќерка на бившиот славен актерски и брачен пар, наводно, сака да се пресели кај мајка си Никол Кидман во Нешвил. „Се чини дека на Изабела и' здодеа животот под толку строги правила, па и' рекла на мајка си дека сака да се пресели кај неа. Никол е воодушевена, но на Том тоа воопшто не му е право. Особено поради Кејти, која во неа гледа своја ќерка, најдобра пријателка и личност од доверба“, наведува истиот извор.

Се зборува дека Изабела сака да излезе од саентологијата, што би бил голем удар за нејзиниот татко, високорангиран во таа религиозна организација.