Чарли Шин

Пијан заклучил проститутка во орман

Вработените во њујоршкиот хотел „Плаза“ во средата наутро го пронашле Чарли Шин во хотелскиот апартман, како од мајка роден и онесвестен. Потоа во апартманот стигнале полицајците, на кои мамурниот и разбеснет Чарли Шин почнал да им вика.

Со претресот на растурената соба, во заклучениот орман е пронајдена жена, за која се претпоставува дека е проститутка. „Излегувајќи од орманот изгледаше многу исплашено“, изјавил еден сведок.

Во реконструкцијата на хаосот, Шин ја обвинил жената дека му го украла паричникот, што го испровоцирало да ги расфрла масата и столчињата во њујоршкиот хотел „Плаза“. Но, приказната на жената е малку поинаква. Таа изјавила дека актерот зел кокаин, а потоа „пукнал“.

Трет поглед на хаосот дал портпаролот на актерот, обвинувајќи ја за се' алергичната реакција на терапијата што ја пие Шин, секако, отфрлајќи каква било поврзаност со ко��аинот. Колку и да звучи неуверливо неговата верзија, во целост е заснована на „вистината“. Чарли Шин навистина се лекува од зависност в болница, откако пред два месеца му е одредена рехабилитација наместо затвор за нападот врз сопругата Брук Мјулер.