Урнебес! Голи мажи и жени скокаат на сцена

Лондон се подготвува за премиера на шоуто „Un Peu de Tendresse Bordel de Merde“ во кое настапуваат 20 голи танчари

Кореографот што се опишува себеси како „непослушно момче“ во светот на танцот и чии претходни шоу-програми се карактеристични по сцените на симулирана мастурбација е пред изведување на својата работа пред британската публика. Дејв Сент Пјер ќе го има своето деби во Лондон следната година во „Садлер велс“, обелодени завчера извршниот директор на театарот, Алистер Спалдинг.

Во шоуто на Сент Пјер, „Un Peu de Tendresse Bordel de Merde“, настапуваат 20 голи танчари, мажи и жени, што скокаат низ сцената со перики како блондинки, а премиерата ќе се одржи во јуни. Оваа претстава прв пат беше изведена во Канада во мај 2007 година, а учтивиот превод на насловот би бил: „Малку нежност за гласно плачење“. Во нејзиниот опис стои дека ја води публиката на патување низ нивните емоции, додека изведувачите скокаат возбудени или, пак, лежат свиткани и поразени на подот, пред да дојде точката на кулминација во возбудливото финале“.

„Тоа е многу весела, многу забавна претстава што ги носи изведувачите до нивните крајни граници“, вели Спалдинг. „Не сме заинтересирани за шокирање на луѓето. Кога прв пат ја видов претставата, тоа беше како полетување на авион. Потребна ви е таа енергија“.

Во интервју во 2008 година тој изјави: „На луѓето им треба време да реагираат на мојот предлог. Ако луѓето уште на самиот почеток се налутат нема да слушаат. Некои луѓе немаат доволно толеранција да ризикуваат да слушаат. Тие, секако, не се обврзани да го сторат тоа, но како овие луѓе реагираат кога ќе се појават проблеми во животот? Дали едноставно им вртат грб на проблемите?“

Патем, едно од претходните шоу на кореографот чија премиера беше во Монтреал во 2004 година, исто така, содржеше сцени со мастурбација, а и дел од публиката навистина ја напушти претставата. (Индепендент)