Марадона

Среќен што умре октоподот Пол

Многумина со жалење ја дочекаа веста за смртта на Пол, октоподот што ги прогнозираше исходите на натпреварите на Светското фудбалско првенство. Но, не и Диего Марадона. Легендарниот фудбалер беше селектор на аргентинската фудбалска репрезентација во текот на Мундијалот на кој се прослави Пол. Мекотелот, кој хранејќи се од садовите на кои беа знамињата на репрезентациите што играат, точно ги прогнозираше сите осум натпревари на кои типуваше.

Еден од нив беше и натпреварот на германската репрезентација со аргентинската. Пол зеде храна од садот на кој беше германското знаме и така го „потпиша“ поразот на Аргентинците во четврт-финалето на натпреварувањето, кое заврши со 4:0 за екипата на Јоаким Лев.

И додека во аквариумот во Оберхаузен знамињата во вторникот беа обесени на половина копје, а вработените во книгата на жалоста пишуваа впечатоци за умрениот октопод, Мар��дона на својот ѕид на „Твитер“ напиша: „Мило ми е што си замина ти, морбиден октоподу. Нашиот пораз на Светското првенство е твоја вина“, се изјаснил Марадона.