Канцеларија за соработка

ТЕТОВО - Вчера во Тетово е отворена заедничка канцеларија за унапредување на меѓусебна соработка на општините Тетово и Елбасан од Албанија. Канцеларијата се отвора врз основа на спогодбата за збратимување и на ИПА- програмата за унапредување на меѓусебните односи во економијата, културата, историјата меѓу двете општини. Официјалното отворање на канцеларијата го означија градоначалниците на двете општини, Сади Беџети и Ќазим Сејдини. Канцеларијата ќе придонесе и за унапредување на семејните односи, бидејќи, како што рекоа двајцата градоначалници, има многу бракови од двата збратимени града. (Г.Е.)