Извезува гас, па го купува назад

Компанијата „Природен гас“, членка на групацијата ИНА, со италијанската енергетска компанија ЕНИ склучила тригодишен договор за набавка на гас за хрватскиот пазар, со што е раскината долгогодишната соработка со руски „Гаспром“. Испораката на гас ќе почне од 1 јануари 2011 година, со просечна количина од 750 милиони кубни метри годишно, пренесуваат хрватските медиуми.

Но, во дел од текстовите, како занимливост се наведува фактот дека ИНА ќе купува гас од компанијата во која завршува околу половина од хрватското производство на земен гас.

Така произлегува дека Хрватска продава гас од своето подморје и тоа по повластена цена што италијанската ЕНИ ја договорила во 90-тите години со договорот за вложување во производството и истражувањето на хрватското подморје, а потоа по пазарна цена да го купува од истата фирма, пишува хрватската веб-страница Бизнис.хр. (МИА)