Награди за најуспешните творби на тема „Полова еднаквост 2010“

Три ученички од ОУ „Димитар Македонски“ беа наградени на ликовниот натпревар што го организираа Европската унија и Министерството за образование во рамки на одбележувањето на Меѓународниот ден на жената. Бојана Димишкова, Кристина Павлеска и Габриела Кирова се добитнички на признанија за најуспешни ликовни творби со тема „Полова еднаквост“. На конкурсот учествуваа 50.000 деца од целиот свет, креациите беа изработувани во различни ликовни техники, а главна цел на натпреварот беше подигнување на свеста за почитување на еднаквоста меѓу половите. (Б.Ш.)