Разгледување на Скопје

Туристичкиот сојуз на Скопје во соработка со Здружението на туристички водичи, ТА „Млаз“ и Верската православна заедница по повод 13 Ноември, Денот на ослободувањето на главниот град, в сабота организираат бесплатно разгледување и посета на културно-историскиот споменик Горен Град - Кале и на црквите „Св.Спас“ и „Св.Пантелејмон“. Исто така, предвидено е и разгледување на археолошкиот локалитет Скупи, а доколку временските услови не го дозволат тоа, наместо Скупи, заинтересираните ќе можат да го посетат Музејот на Град Скопје. Почетокот на турата е закажан за сабота во 12 часот, пред „Дрводекор“. (Б.Ш.)