Почна да сообраќа маршрутниот воз Бар - Скопје
Првиот маршрутен воз со комплетна композиција од 20 вагони со стока на шпедицијата „Трансконт“ , официјално тргна вчера попладне од пристаништето во Бар до Скопје. Пристаништето во Бар е избрано за најдобра алтернатива за транспорт на македонската стока, на неодамнешната заедничка средба во Стопанската комора на Македонија меѓу македонските стопанственици и бизнисмени и претставниците на ова пристаниште.
Можноста за складирање на стоки во подолг период, како и пониските цени се една од предностите на пристаништето во Бар за разлика од пристаништето во Солун или оние во Варна, Драч, Риека и други. Тоа располага со површина од 26 хектари и има капацитет од 300.000 контејнери, простор оспособен за чување секаков вид стока и ладилници. (МИА) |
