Обид за киднапирање на штипјанка

На дваесет и осумгодишен маж му се допаднала девојка од штипското село Јунизлија и се обидел да ја киднапира додека таа работела во дворот на својата куќа. Според полицијата, станува збор за О. С. (28) од селото Прналица, Карабинци, кој вчераутро ја забележал осумнаесетгодишната А.Т. (18) додека била во дворот.

Тој прво влегол во дворот и почнал да ја убедува девојката, која му се допаѓала, да појде со него. Откако бил одбиен решил насила да ја земе за жена. Почнал да ја влече за рака и се упатил кон улицата, но таа почнала да вика и да бара помош. За среќа ја слушнал близок роднина, кој веднаш истрчал во дворот и го спречил обидот за киднапирање. Откако роднините го пријавиле случајот во полиција, О.С. е пронајден и против него полицијата поднесе кривична пријава за обид за грабнување. (Х.Р.)