Пожар уништи пет илјади квадратни метри завчера во парк-шумата „Гази Баба“. Како што информираат од Град Скопје, огнот избувнал околу 13 часот и ја зафатил боровата шума кај чешмата. Пожарот бил изгаснат за околу еден час од дваесетина вработени во јавното претпријатие „Паркови и зеленило“.

Според увидот, пожарот бил предизвикан од човек кој најверојатно запалил оган или фрлил догорче од цигара по што се запалила шумата. Од Град Скопје апелираат граѓаните да ја почитуваат забраната за палење оган и да не фрлаат догорчиња од цигари.