Тргнува првата Бизнис-лига

За 18 октомври е означен стартот на првата Бизнис-лига, натпреварување во мал фудбал меѓу најуспешните компании во Македонија, кое ќе се одржува во малата сала на спортскиот центар „Борис Трајковски“ во Скопје и ќе трае до мај 2011 година. Во лигата ќе учествуваат „Вип“, „Оне“, „Телеком“, „Алкалоид“, „ЕВН Македонија“, „Дајнерс“, Шпаркасе банка, „Неуромедика“, „Секјуриком“, „Спорт М-адидас“, „Техномаркет-самсунг“, „Ве-ве груп“ и ЕОС.

Екипите на наведените компании се составени исклучиво од нивни вработени. Според правилата на лигата, во неа не можат да настапуваат само играчи што професионално се занимаваат со фудбал или со футсал.