Нов успех на „Дуото Скупи“ во Париз

Оригиналното музичко „Дуо Скупи“ составено од Јета Старова-Мехмети (флејта) и композиторот Ермаљ Мехмети (виолина) продолжувајќи ја извонредната серија на концертни настапи која само во последниве две години вклучува изведби на значајни фестивали и манифестации во земјава како Охридско лето, Есенски музички свечености, Топол Културен бран и други, како и перформанси во Франција, Италија, Албанија, Црна Гора, Косово, САД и други земји, тие на 5 октомври 2010 настапија во самостоен центар во концертната сала Едмон Мишле во познатиот Меѓународен град на уметностите вп Париз. Настапот се реализираше во рамките на програмската тема на музичките активности на Центарот Музика од светот, а програмата беше составена од стари албански песни и фолклорни теми во обработка на Ермаљ Мехмети, како песните „Со убави цутови“, „Пролетен ветер“, „Кладенци“, „Марѓело“, „Еден цвет“, „Песните од мојот крај“, „Те љубам моме мое“ и „Пастирка“.

Овој настап втор по ред во Франција, како и претходниот беше топло прифатен од париската публика и доаѓа по успехот што го постигна ова дуо во настапот на светскиот музички фестивал минатата година во Рагуза, близу Рим, каде што се здоби со признанието „Distinguished Musicians“, како и статуетата Мајка Тереза, за нивните добротворни настапи во земјата и успеси. И обајцата музичари школувани во Париз, носители на исклучителна музичка дарба и работливост, во првата фаза од нивните настапи, во мошне реткото дуо – флејта и виолина, за што постои релативно малку музичка литература, настапува со обработени класични дела, како од класичните композитори Хајдн, Пјацола, Бах, Моцарт и други. Својот незаборавен концерт пред скопската публика во Културно – информативниот центар во Скопје, нивниот репертоар го проширија и со дела на композиторот Девиен, композитор од периодот на класицизмот, кој е еден од ретките кој компонирал за флејта и виолина, како и, како и со дела од традиционалната албанска музика. Овие надарени инструменталисти, според композиторот Ермаљ Мехмети, се во потрага по нови инвентивни созвучја кои ќе бидат прифатливи за човековото уво. Како албанскиот, така и во другите балкански фолклори, се познати со драгоцени музички бисери, за чија потрага е потребно љубов, напорна работа и волја за истражување. И тие, секако, остануваат трајни предизвици за овие наши реномирани музичари. (Н.П.)