Монако

Најскапиот стан на светот

Британските трговци со недвижности, Кристијан и Ник Кенди, ја направиле зделката на столетието кога пред 10 години од вдовицата на убиениот банкар Едмонд Сафра за 12 милиони евра купиле пентхаус во Монако. Успешната двојка го продале станот од 5.000 квадратни метри пред неколку дена на неименуван шеик за 240 милиони евра и со таа трансакција заработиле 228 милиони евра. Освен што оствариле енормна заработувачка, Кристијан и Ник ќе влезат во Гинисовата книга на рекорди, бидејќи го продале најскапиот стан на светот.

Станот се наоѓа во самото средиште на Монако, со прекрасен поглед на пристаништето, на покривот има тераса со базен, а во внатрешноста библиотека, киносала, салон за билијард, кралски опремена трпезарија и сала за танцување. Станот е од периодот на „бел епок“, стар е 97 години и е уреден во тој дух.