Орце Зафировски

Хит-текстописец во Бугарија

Македонскиот текстописец Орце Зафировски, на фестивалот „Пирин фест“, што се одржа на 4 и на 5 септември во Сандански, Бугарија, оствари забележителен успех. Неговите текстови за четири песни на фестивалот, изведени од Марјан Коцев - „Земја ветена“, Вања В’лкова - „Пролеј солза Пирине“, Тајчи - „Сестри балкански“, како и босанскиот претставник Нено ��уриќ „Пустиња“, оставија забележителен белег на фестивалот. Особено песната „Пустиња“, во изведба на Нено Муриќ, која ја освои втората награда од стручното жири, како и наградата од новинарите. Музиката за оваа песна, исто така, е дело на македонски автор, Борче Димитров, додека аранжманот е на Самир Мујагиќ.

По овој успех во Бугарија, за текстовите на Орце Зафировски пројавија интерес неколкумина бугарски исполнители. Наскоро Саша Ѓуриќ од БиХ на еден фестивал треба да ја изведе песната „Кошуља од туге“, исто така, со текст на Орце Зафировски. Ј.П.