Укинати два члена од Законот за експропријација

Уставен суд вчера укина два члена од Законот за експропријација, донесен во 1995 година и дополнуван шест пати досега.

Во првата одредба се предвидуваше тужбата против второстепеното управно решение со кое се врши експропријација да не го одложува извршувањето на второстепеното решение. Укинувањето е затоа што со таквата одредба се доведува во прашање уставно загарантираното право на граѓанинот на судска заштита против поединечен акт на орган на државна управа, кое право е определено со член 50, став 2 од Уставот, а со тоа се доведува во прашање и уставно загарантираното право на сопственост определено во член 30, став 1 од Уставот.

Втората одредба предвидуваше лицето на кое му се доделува експропреирана недвижност, недвижноста да ја земе во владение со конечноста на управната постапка. (П.Р.)