Oрганизацијата е отворена за граѓаните кои го почитуваат делото на борците против фашизмот
Сојузот на борците в петок, 28 мај, ќе го одржи својот 8 конгрес во Домот на АРМ. На него ќе присуствуваат 99 делегати од општинските организации на Сојузот и гости од боречките антифашистички организации од регионот.
Како што велат од Сојузот на борците, на претходните конгреси успеале да ја доразвијат својата општествена основа преку вклучување граѓани - почитувачи и продолжувачи на традициите од Народноослободителната војна. Во Сојузот има 20.066 члена, од кои 7.506 се борци кои учествувале во НОБ и 12.560 се граѓани поддржувачи и продолжувачи на работата на Сојузот.
Претседателот на Сојузот на борците, Атанас Забазноски - Руски, најави дека планираат издавање книга со биографските податоци на сите борци против фашизмот од државава, како и изработка на минијатурни слики на народни херои, кои потоа ќе бидат изложени во просториите на организацијата.
На новинарско прашање како ќе одговорат на изјавата на бранителите од „Достоинство“ дека тие треба да бидат наследници на Сојузот на борците, претседателот Забазноски изјави дека вратите на нивната организација се отворени за сите граѓани кои го почитуваат делото на борците против фашизмот. Како што истакнуваат од Сојузот, планираат да бидат поактивни со цел да се ревитализира целата организација и да се продолжи нејзиниот век на постоење. Сметаат дека е потребно да им се посвети поголемо внимание од страна и на граѓаните, но и од државната власт, бидејќи во никој случај нема да прифатат замолчување или, пак, занемарување на придобивките од нивната борба. „Сојузот на борците има континуитет во поврзаноста на народот со неговите најпрогресивни стремежи и заинтересиран е за одбраната и чувањето на придобивките од НОБ, сувереноста, независноста и територијалниот интегритет на Македонија за европската и НАТО-интеграција“, истакна Славка Георгиева - Андреевиќ, претседателка на Комисијата за информирање при Сојузот. (М.П.)
Народноослободителната војна. Во Сојузот има 20.066 члена, од кои 7.506 се борци кои учествувале во НОБ???????
>>> Utrinski, dali e ovaa informacija proverena i ne li se stari podatocite? Denes sme sredinata na 2010, znaci broeno nazad do 1944 imame barem 64 godini. Ako togas se bile na 20-30 (kazi go 25 vo prosek), denes ovie 7.506 lugje da se na 90 pa i povekje godini. Ocigledno nasite borci se za Knigata na Gines po broj stoletnici.
Од: od Aleksandar
Датум: 27.05.2010 09:15:29
dobro e sto se planira da se izdade kniga za site borci i da se naslikaat malecki sliki za sekoj od niv. No dali vo seta taa rabota se predviduva da se objavat i kratki biografii za site onie borci koi vo mugrite na slobodata bea predadeni na neprijatelot i surovo likvidiraniDali vo knigata i megju slikite ke ima mesto i za onie makedonski sinovi koi bea ubieni od togasnata krvava makedonska "demokratska" vlast?
Од: Дете бегалче - во сопствената земја
Датум: 27.05.2010 12:13:06
Она во што се сомневам е реалноста на прикажаниот број Борци од НОБ!Верувам дека е голем бројот и на оние станале „борци“со два сведока!Поинаку,Сојузот на Борците немаше никогаш да стане маргинал(изира)на Организација!Оставена на крајот,без никакви признанија!Дури ја заборавија и Победата над Фашизмот,но и редица значајни Светли датуми и Настани кои придонесоа за Животот во Слобода и создавањето на Државата!Тука секако спаѓаат и 4 Јули и 29 Ноември!Во услови на Активно превземање на позициите од страна на портокалови војничиња и членови на семејства кои делувале во корист на Фашистите,Се јавува и сомнежот во добрите намери на „подржувачите и продолжувачите“!Без намера да ги навредам оние чесните,кои навистина ги почитуваат остварувањата од таа борба: Држава,Јазик,Слободи...,но реалноста и начинот на досегашното делување на ВМРО(активниот помагач на Фашистичкиот Окупатор) и „Античките Македонци“во организацијата и во партиите,ги докажува моите стравувања!
