Контрола на дивите депонии во Кисела Вода

Општина Кисела Вода најавува зајакната контрола на местата каде што се создаваат диви депонии. На локациите, кои во изминатиот период се исчистени и по извршениот надзор од страна на општинските инспекциски служби за животна средина е констатирано дека повторно се фрла смет, ќе има дежурства и инспекциски надзор заедно со „Еко патролата“ од „Комунална хигиена“.

Од општината апелираат до граѓаните да ги почитуваат Законот за јавна чистота и Законот за животна средина и со своето однесување да придонесат за здрава и чиста животна средина. Во спротивно, секое поинакво однесување ќе биде санкционирано, се наведува во соопштението од општина Кисела Вода.

Деновиве се изнајмени и две возила со кои во иднина ќе се подигнува сметот од 120-литарски канти, со што во изминатиот период настана проблем поради немањето соодветни возила. (МИА)