Град Скопје в сабота ќе ги пушти во пробна работа семафорите на новата раскрсница кај зградата на МРТВ. Раскрсницата е семафоризирана и работи на трепкачко светло. Деновиве се поставуваат контролори со кои ќе се постигне координација меѓу трите раскрсници на овој потег. Семафорите ќе бидат тестирани в сабота и в недела и доколку нема никаков проблем со координацијата, ќе продолжат редовно да работат во рамки на воспоставениот сообраќаен бран од пробниот период. Со пуштањето на новата раскрсница ќе се реши големиот проблем на приклучување и исклучување на возилата кај МРТВ и Универзитетот „Свети Кирил и Методиј“, а со тоа и големиот сообраќаен метеж што се создаваше на овој дел од булеварот „Гоце Делчев“. (С.Р.)