Почна акцијата „Со книга на плажа“ на клубот „Матица“

Мотото „60 летни денови - 60 нови наслови“ и годинава им овозможува на читателите да ги прочитаат насловите од омилените автори

Традиционалната книжевна акција, која под мотото „60 летни денови - 60 летни наслови“ ја организира клубот „Матица“ почна оваа недела. Веќе тринаесет години членовите и читателите во Македонија ја имаат можноста своето слободно време од летниот одмор да ��о искористат за читање добра книга. Практиката од минатите години говори дека македонскиот читател е вистински вљубеник во книгата и во доброто четиво, а покрај задолжителните работи потребни за летниот одмор, околу 25.000 македонски читатели со себе ги понесуваат своите книги од омилените автори. Годинава изборот е зголемен како со домашна, така и странска литература. Мотото „60 летни денови - 60 нови наслови“ и годинава им овозможува на читателите да ги прочитаат насловите од омилените автори и бидат нивни сопатници на летниот одмор.

Како што не информираат од клубот „Матица“ во анкетата спроведена во периодот од мај до јуни, читателите ја избрале книгата „Рингишпил“ од Јелена Бачиќ-Алимпиќ за „Хит книга за ова лето“, книжевната акција „Со книга на плажа“ покрај во Скопје, паралелно ќе се одвива и во Охрид, Прилеп, Струмица, Кавадарци, Струга, Битола, Куманово, Гевгелија и во Штип. (Н.П.)