Рокот за дивоградби останува 3 септември
Последниот рок за поднесување барања за легализација на дивоградбите е 3 септември и нема да се продолжува, соопшти министерот за транспорт и врски, Миле Јанакиески. Тој ги повика граѓаните да не го чекаат последниот ден за да ги поднесат барања за легализација на дивоградбите. „Сериозно размислуваме да не се продолжува рокот што истекува на 3 септември и да има парични санкции за тие што нема да поднесат барање согласно со Законот, бидејќи самото поднесување на барањето не е подолго од три минути. Ги повикувам сите градоначалници да формираат тимови, кои од куќа во куќа, од фирма во фирма, на терен, дополнително ќе им го објаснуваат процесот на граѓаните и ќе им помагаат“, рече Јанакиески. (Ек.Р.) |
