Унгарците пикираа во што да вложуваат

Менаџментот, информатиката, управувањето со отпад и третманот на отпадни води, туризмот и пазарот со недвижен имот се областите во кои унгарските бизнисмени гледаат интерес за инвестирање, беше акцентирано на вчерашната средбата на македонските и унгарските бизнисмени во Стопанската комора на Македонија.

„Ќе ни бидат потребни дополнителни напори за да се вратиме на нивото од 2008 година кога надворешно- трговската размена меѓу двете земји изнесуваше 87 милиони американски долари“, изјави Јелисавета Георгиевска од Стопанската комора, потенцирајќи дека нашата економска соработка се состои во извоз на земјоделски производи, а се отвора простор за соработка во туризмот и во отпадните води.

„Унгарија е меѓу првите пет најголеми инвеститори во Македонија, а досега во државава таа вложи 410,5 милиони евра. Најголем дел се должат на ’Телеком‘. Цврсто сме убедени дека се зголемуваат директните контакти со стопанствениците“, истакна на средбата заменик-министерот за економија, Методија Хаџи-Васков. (Ек.Р.)