Северина

Нова љубовна врска со српски бизнисмен

Томица Петровиќ, менаџерот на Северина, ги потврдил написите на српскиот таблоид „Свет“ дека хрватската пејачка ја раскинала свршувачката со Славко Шаиновиќ зашто се вљубила.

„Вистина е дека Северина е во врска со Милан Поповиќ и вистина е дека прекина со Славко Шаиновиќ веднаш штом сфати дека е вљубена“, изјавил менаџерот на пејачката за хрватскиот печат. Со таа изјава тој ги потврдил написите од српскиот таблоид дека најпопуларната хрватска ѕвезда го љуби српскиот милионер Милан Поповиќ, во медиумите наречен „некрунисан крал на бакарот. Сплитската пејачка, наводно, го запознала Милан по настапот на неговата роденденска прослава пред две недели на „Ада циганлија“, а веднаш потоа, пред десетина дена, ја раскинала свршувачката.

Северина (39) беше свршена со риечки угостител Славко Шаиновиќ, три години постар од неа, со кого беше во врска две години. Минатата година започнаа да градат и трикатна куќа од 200 квадратни метри, над Ичиќи. Иако со прстен на раката, Северина никогаш во јавноста не најавуваше свадба.