Матични лекари и интернисти од земјава се доедуцираат како подобро да ја контролираат и да ја лекуваат ревмата кај пациентите. Тие се првата генерација лекари кои се стекнаа со диплома од Академијата за ревматоиден артритис што ја организираа и спроведоа стручњаци од Клиниката за ревматологија.
„Со оглед дека има многу и често комплексни терапии за лекување на ревмата, Академијата ќе им помогне на лекарите како подобро да ја контролираат и да ја лекуваат ревмата“, истакна д-р Снежана Мишевска-Перчинкова на вчерашната промоција на првата генерација лекари. За полесен пристап кон ревмата, клиниката издаде и два прирачника како да се процени активноста на болеста и како да се лекува. (Ј.Ј.)
