Владата го ослободи увозот на брашно

Престанува да важи мерката за заштита на пазарот преку врзување на увозот на брашно со откуп на домашна пченица во сооднос 1 спрема 4, одлучи Владата на последната седница. Според Министерството за земјоделство, по стабилизирањето на домашниот и на странскиот пазар со пченица и со брашно и со претходното престанување на важноста на одредбата од одлуката за врзување на увозот со откуп на домашна пчени��а, со најновата одлука увозот на пченица и на брашно ќе се врши без дополнителни обврски. Оваа одлука влегува во сила првиот ден по нејзиното објавување во „Службен весник на Република Македонија” .

Привремената одлука од 21 јули годинава беше донесена поради заштита на домашниот пазар со пченица и со бра��но, но и на земјоделските производители. Во периодот на нејзиното важење, таа ги постигнала ефектите. Откупната цена на пченицата од седум денари за килограм во почетокот на жетвата, достигна 10 денари на крајот од откупната кампања. (МИА)