„Вистинска нула“ на „Оне“

Понудата „Вистинска нула“ на мобилниот оператор „Оне“ од вчера можат да ја користат и припејд-корисниците. Со дополнување на сметката над 250 денари, припејд корисниците ќе може да разговараат за 0 денари кон мрежата на „Оне“ за период од 30 дена од денот на дополнувањето. Понудата вклучува и користење на 400 минути, кои, исто така, треба да се искористат за период од 30 дена.

„Со секое дополнување може да зборувате за 0 денари, а 250 денари кредит да ги користите за зборување кон другите национални и мобилни мрежи“, објави вчера директорот за продажба во компанијата, Дејан Милевски. Од пред три дена истата понуда важи и за новите претплатници од постпејд мобилната телефонија. „Оне“ ја продолжува и понудата „Шест месеци бесплатна претплата“, која требаше да заврши на 1 септември, што значи дека без никаква претплата во следните шест месеци постпејд-корисниците на „Оне“ ќе може да зборуваат кон останатите национални и мобилни мрежи. (А.С.)