Фаворитите без пардон на стартот од ДП
Освен еден, сите фаворити стартуваа со победа во 18. Отворено првенство на Македонија во шах што од 18 до 26 јули се одржува во хотелот „Дрим“ во Струга. Единствен изненаден на стартот беше Гаврил Скрчески (рејтинг 2223), кој со црни фигури беше поразен од нерејтингуваниот Французин Жозе Конжест.
Другиот од само двајцата странци, Словенецот Жига Волф (2195), загуби со бели од првиот носител, велемајсторот Звонко Станојоски (2483). Во дербито на колото интермајсторот Филип Панчевски (2422) со црни беше подобар од ЖИМ Габриела Коскоска (2188).
Настапуваат 30 ограчи, од кои двајца велемајстори, по петмина интермајстори и ФИДЕ-мајстори и еден женски интермајстор.
Други резултати од првото коло: Стојановски - Качаковски 1-0, Данчевски - Христовски 1-0, Куков - Богдановски 0-1, М. Митков - Јоноска 1-0, Петровски - Васовски 0-1, Динев - Стојковска 1-0, Чокрева - З. Илиќ 0-1, Љ. Илиќ - Жежов 1-0, Бејатовиќ - Органџиев 0-1 итн. (Р.Д. |
