Расправа за двојното убиство во Влае

Случајот на обвинетите Нехат Сулејман (26) и Суат Јусуф (37), правосилно осудени на казна доживотен затвор, од вчера е во рацете на судиите на Врховниот суд. Нехат Сулејман и Суат Јусуф за убиствата на Бранко Ивановски и Љупчо Атанасовски, како и за обидите за убиство на нивните сопруги Светлана Ивановска и Сунца Атанасовска, на 13 август 2006 година, беа осудени на максимални затворски казни. И додека за јавниот обвинител, Љубомир Јовевски, жалбата на осудените и на нивните бранители е беспредметна, осудените и нивните адвокати негираа дека се вмешани во убиствата. Тие тврдат дека Сулејман и Јусуф имале алиби, бидејќи кога се случил крвавиот настан не биле во Скопје. (Љ.С.)