Евровизиската „Русинка“ доби спот
Годинешниов македонски евровизиски претставник Влатко Илиевски го сними видеозаписот за песната „Русинка“. Спотот се снимаше во студиото „Рокенрол“ во продукција на „Егзит Б“ . Освен македонската верзија на спотот, истовремено се снимаа и хрватската, англиската и руската верзија на песната. Спотот се снимаше повеќе од 12 часа, а покрај дванаесетте статисти, главната улога во приказната на спотот ја има манекенката Елена Трајановска, од модната агенција „Моделс ин“. Елена наедно е и единствената Македонка што беше избрана на кастингот за нови модели во модната агенција „Воман“ од Милано, каде што и ќе се пресели во текот на летово. Режисер на спотот е Бошко Столиќ.
Карактеристично за спотот е што се снимаше во еден кадар, без никаква монтажа и прекини, со фар ХД-камера.
Официјалната промоција на спотот ќе биде идната недела. |
