Растат економиите во регионот
Меѓународниот монетарен фонд, во период кога бруто-домашниот производ опаѓа во Западна Европа, има позитивни прогнози за регионот, пред се' за црногорската и за албанската економија.
„Црна Гора и Албанија ќе забележат најголем економски раст годинава на Балканот“, се наведува во прогнозата на ММФ.
Црна Гора, според прогнозите на ММФ, годинава ќе забележи раст на БДП од 7,2 проценти, а албанската економија ќе се зголеми за шест проценти.
Според ММФ, Бугарија и Босна и Херцеговина (БиХ) ќе имаат економски раст по 5,5 проценти до крајот на годината, Романија 5,4 проценти, Македонија 5, Хрватска 4,2 проценти, додека српската економија ќе расте по најмала стапка во регионот, само 4 проценти.
Економскиот пораст на целиот регион годинава ќе биде поголем од минатогодишниот. Приближувањето кон Европската унија и отворањето на пазарот на балканските држави ќе ја зголеми конкурентноста. (Кирилица) |
